İşıq çaxması və «milçəklər»: nə vaxt təcili müraciət etmək lazımdır?

Göz qabağında uçuşan nöqtələr, tellər və ya «milçəklər» çox insana tanışdır. Onlar adətən şüşəvari cismin — gözün içini dolduran jeleyəbənzər maddənin — yaşla dəyişməsi nəticəsində yaranır və çox vaxt zərərsizdir. Lakin bəzi hallarda bu əlamətlər torlu qişanın yırtığı və ya qopmasının xəbərçisi olur.

Hansı hallarda təcili müraciət edilməlidir?

«milçəklər» qəfil yaranıb və ya birdən çoxalıb;
göz qabağında işıq çaxmaları müşahidə olunur;
görmə sahəsinin bir hissəsini pərdə və ya kölgə örtür;
görmə qəfil azalıb və ya əşyalar əyri görünür.

Bu əlamətlərdən biri yaranarsa, həmin gün oftalmoloqa müraciət edin. Torlu qişanın qopmasında müalicə gecikdikcə görmə itkisi qalıcı ola bilər.

Kimlər daha diqqətli olmalıdır?

Miopiyası olanlar (xüsusən yüksək dərəcəli), əvvəllər göz əməliyyatı keçirənlər, göz travması alanlar, şəkərli diabeti olanlar və ailəsində torlu qişa qopması olanlar.

Müayinədə nə edilir?

Bəbəklər genəldilir və göz dibi, xüsusən torlu qişanın periferiyası diqqətlə yoxlanılır; lazım olduqda OKT və ya ultrasəs müayinəsi aparılır.

Nə tapıla bilər və necə müalicə olunur?

Torlu qişada yırtıq — qopma baş verməzdən əvvəl aşkarlanarsa, onun ətrafında profilaktik baryer lazer koaqulyasiyası aparılır. Lazer müalicəsi
Torlu qişanın qopması — cərrahi müalicə tələb edir; əsas üsullardan biri vitrektomiyadır. Göz dibi əməliyyatları
Şüşəvari cismə qansızma (məsələn, diabetik retinopatiyada) — səbəbə və ağırlığa görə müşahidə, lazer və ya vitrektomiya.

Dr. Qafar Tağıyevin elmi işi torlu qişanın regmatogen qopmasının cərrahi müalicəsinə həsr olunub; o, baryer lazer koaqulyasiyası və vitrektomiya aparır.